បច្ចេកវិទ្យា និងនវានុវត្តន៍
ជីវប្រវត្តិរដ្ឋមន្ត្រី
ឯកឧត្តម រដ្ឋមន្ត្រី ហែម វណ្ណឌី ជាឥស្សរជនវ័យក្មេងដែលបានទទួលការបណ្តុះបណ្តាល និងបទពិសោធន៍ការងារកម្រិតខ្ពស់ ទាំងក្នុងវិស័យឯកជន ប្រព័ន្ធអង្គការសហប្រជាជាតិ ធនាគារអភិវឌ្ឍន៍ពហុភាគី និងជាពិសេសក្នុងវិស័យសាធារណៈ។ តាមរយៈស្នាដៃការងារដ៏គួរឱ្យកត់សម្គាល់ និងមនសិការស្នេហាជាតិដ៏ជ្រាលជ្រៅ ឯកឧត្តម ត្រូវបានតែងតាំងជារដ្ឋមន្ត្រីនៃក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ នៃព្រះរាជាណាចក្រកម្ពុជា។
មុនទទួលតំណែងជារដ្ឋមន្ត្រី ឯកឧត្តមជារដ្ឋលេខាធិការនៃក្រសួងសេដ្ឋកិច្ច និងហិរញ្ញវត្ថុ ដែលទទួលខុសត្រូវលើផ្នែកហិរញ្ញប្បទានអភិវឌ្ឍន៍ ការដឹកនាំសម្របសម្រួលជំនួយអភិវឌ្ឍន៍ផ្លូវការ (ទាំងក្នុងកម្រិតយុទ្ធសាស្ត្រ និងប្រតិបត្តិការ) ការគ្រប់គ្រងបំណុលសាធារណៈ និងការគាំទ្ររបៀបវារៈគោលនយោបាយសំខាន់ៗ។ ឯកឧត្តម បានដឹកនាំសម្របសម្រួលយន្តការអន្តរក្រសួងជាច្រើន ដែលបានដោះស្រាយបញ្ហាហេដ្ឋារចនាសម្ព័ន្ធ និងនគរូបនីយកម្មសំខាន់ៗរបស់កម្ពុជា។ បច្ចុប្បន្ន ឯកឧត្តមជាសមាជិកនៃឧត្តមក្រុមប្រឹក្សាសេដ្ឋកិច្ចជាតិ និងបានធ្វើជាប្រធានគណៈកម្មាធិការសម្របសម្រួលប្រចាំប្រទេសសម្រាប់កម្មវិធីមូលនិធិសកលប្រយុទ្ធប្រឆាំងនឹងជំងឺអេដស៍ របេង និងគ្រុនចាញ់នៅកម្ពុជាអស់រយៈពេល៥ឆ្នាំ។
ឯកឧត្តម រដ្ឋមន្ត្រី ហែម វណ្ណឌី ទទួលបានបរិញ្ញាបត្រជាន់ខ្ពស់ផ្នែករដ្ឋបាលសាធារណៈពីសាលា Harvard Kennedy School of Government ក្នុងឆ្នាំ២០១៤ បរិញ្ញាបត្រជាន់ខ្ពស់ផ្នែកអភិវឌ្ឍន៍អន្តរជាតិពីសាកលវិទ្យាល័យអន្តរជាតិជប៉ុន ក្នុងឆ្នាំ២០០២ និងបរិញ្ញាបត្រផ្នែកគ្រប់គ្រងពាណិជ្ជកម្មពីវិទ្យាស្ថានជាតិគ្រប់គ្រង ក្នុងឆ្នាំ១៩៩៩។ ឯកឧត្តម និងភរិយាមានកូនស្រីពីរនាក់។
កម្រិតវប្បធម៌
បរិញ្ញាបត្រជាន់ខ្ពស់ផ្នែករដ្ឋបាលសាធារណៈ សាលាហាវ៉ាដកេនណ្ឌី នៃសាកលវិទ្យាល័យហាវ៉ាដ (ស.រ.អា.)
បរិញ្ញាបត្រជាន់ខ្ពស់ផ្នែកអភិវឌ្ឍន៍អន្តរជាតិ នៃសាកលវិទ្យាល័យអន្តរជាតិនៃប្រទេសជប៉ុន (ជប៉ុន)
បរិញ្ញាបត្រគ្រប់គ្រងអាជីវកម្មផ្នែកគណនេយ្យ នៃវិទ្យាស្ថានជាតិគ្រប់គ្រង (កម្ពុជា)
វិទ្យាល័យទួលទំពូង (កម្ពុជា)
ប្រវត្តិការងារ
ប្រធានក្រុមប្រឹក្សាបរធនបាល នៃសហគ្រិនខ្មែរ
រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍
អនុប្រធានក្រុមប្រឹក្សាបរធនបាលមូលនិធិអភិវឌ្ឍន៍សហគ្រិនភាព (អាណត្តិទី២ | ២០២២-២០២៣)
រដ្ឋលេខាធិការ នៃក្រសួងសេដ្ឋកិច្ច និង ហិរញ្ញវត្ថុ
ប្រធានគណៈកម្មាធិការសម្របសម្រួល នៃមូលនិធិសកលប្រយុទ្ធប្រឆាំងជំងឺអេដស៍ របេង និង គ្រុនចាញ់ (កម្ពុជា)
សមាជិក នៃឧត្តមក្រុមប្រឹក្សាសេដ្ឋកិច្ចជាតិ
អនុរដ្ឋលេខាធិការ នៃក្រសួងសេដ្ឋកិច្ច និង ហិរញ្ញវត្ថុ
អគ្គលេខាធិការរង នៃអាជ្ញាធរមីនកម្ពុជា
អនុប្រធានលេខាធិការដ្ឋាន នៃគណៈកម្មាធិការរៀបចំកិច្ចប្រជុំលើកទី១១ រដ្ឋភាគីនៃអនុសញ្ញាអូតាវ៉ា
ជំនួយការសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា
ជំនួយការឯកឧត្តម ប្រាក់ សុខុន រដ្ឋមន្ត្រីប្រតិភូអមនាយករដ្ឋមន្ត្រី
ជំនួយការអនុប្រធានឧត្តមក្រុមប្រឹក្សាសេដ្ឋកិច្ចជាតិ
មន្ត្រីទទួលបន្ទុកវិស័យសេដ្ឋកិច្ច និងហិរញ្ញវត្ថុ នៃស្ថានតំណាងធនាគាអភិវឌ្ឍន៍អាស៊ី ប្រចាំកម្ពុជា
មន្ត្រីទទួលបន្ទុកយុទ្ធសាស្ត្រអភិវឌ្ឍន៍និងប្រជាជន នៃមូលនិធិសហប្រជាជាតិសម្រាប់ប្រជាជន ប្រចាំកម្ពុជា
ជំនួយការស្រាវជ្រាវនិងបង្រៀន នៃសាកលវិទ្យាល័យអន្តរជាតិនៃប្រទេសជប៉ុន
សវនករ នៃក្រុមហ៊ុន PricewaterhouseCoopers ប្រចាំកម្ពុជា
ការងារអប់រំ
គ្រូឧទ្ទេសន៍មុខវិជ្ជានវានុវត្តន៍វិស័យសាធារណៈ សាលាអន្តរជាតិ នៃសាកលវិទ្យាល័យជាតិគ្រប់គ្រង
ការងារសង្គម
សមាជិកគណៈអចិន្ត្រៃយ៍គណៈកម្មាធិការកណ្តាល នៃសហភាពសហព័ន្ធយុវជនកម្ពុជា
សមាជិកគណៈកម្មាធិការកណ្តាល នៃសហភាពសហព័ន្ធយុវជនកម្ពុជា
សមាជិកក្រុមប្រឹក្សាភិបាលនៃមជ្ឈមណ្ឌលសូត្រខ្មែរ នៃសាកលវិទ្យាល័យភូមិន្ទភ្នំពេញ
គ្រឿងឥស្សរិយយស
មេដាយជាតូបការ, មេដាយព្រះរាជាណាចក្រកម្ពុជាថ្នាក់មហាសេរីវឌ្ឍន៍ និង មហាសេនា
ភាសា
ខ្មែរ និងអង់គ្លេស
ក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍
៤៥ មហាវិថីព្រះនរោត្តម សង្កាត់ផ្សារថ្មី៣ ខណ្ឌដូនពេញ រាជធានីភ្នំពេញ, ១២០២០៣
ទំនាក់ទំនង
© 2024 រក្សាសិទ្ធិគ្រប់យ៉ាងដោយ ក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍